Integridad ay katapatan

            Ang integridad ay katapatan. Sa diksyunaryo, ipinaliwanag ang kahulugan nito bilang “kalagayan ng tao na kung saan siya ay buo, iisa o kumpleto ang kaniyang pagkatao” Kung ano ang kaniyang sinasabi, iyon din ang kaniyang ginagawa. Kung ano siya sa publiko, ganoon din siya sa probadong buhay o sa lugar na walang nakikita. Ang mabubuting sinasabi ng mga tao patungkol sa kaniya ay ganoon din ang sinasabi ng kaniyang mga kasambahay. Siya ay iisang tao maging saan manat anumang sitwasyon ang kaniyang makharap. Siya ay bukas na aklat; walang tinatago; walang kinatatakutan.

             

        May ilang tao na ang tingin sa integridad ay listahan ng bawal gawin at dapat gawin. Ngunit ang integridad au higit kaysa listahan. Ang integridad ay pagpapakatao. Ito ay ang iyong pagka-sino na binubuo mo tungosa iyong pagiging responsibilidad. At kung sino ka iyon ang iyong gagawin. Pinag-iisa nito ang iyong sinasabi at ginagawa. Mahalaga ang mga ito sa pagbuo ng sarili tungo sa kaganapan ng pagkatao.

            Bakit mahalaga ang integridad? Narito ang mga dahilan:

            Una, nagbibigay-galang sa iyong sarili. Kung may paggalang ka sa iyong sarili, nangangahulugan ito na malinis ang iyong konsensiya at nakatutulog ka sa gabi ng mahimbing.

            Pangalawa, bibigyan ka ng iyong kapuwa ng paggalang at pagkakatiwalaan ka ng ibang tao.

            Pangatlo, ang taong may integridad ay madaling makaimpluwensiya.

            Ayon kay Mahama Gandhi na nagsasabing “Kung gusto mo ng pagbabago at kung gusto mo ng mas maayos na buhay, dapat simulant mo sa iyong sarili.” Kung sisikaping ng bawat isa na magbago, unti-unting magbabago an gating lipunan. Kapag tinanggal mo ang kasamaan sa sarili mo, ay matatanggal din ang kasamaan ng lipunan. Ikaw, kaya mo bang simulant ito sa buhay mo?

(an excerpt Edukasyon sa Pagpapakatao B.10 pp. 353-355)